Esta é unha semana moi especial e moi máxica para os galegos e galegas por iso imos celebralo por todo o alto. Tedes un vídeo na parte central da páxina onde podedes ver como o festexamos os mestres e persoal do noso colexio.
O noso conto encadeado ten que esperar a que o fagamos todos, pero xa vos podo decir que está quedando chulísimo. Xa sabedes que tedes os vídeos no noso álbum das xoaniñas.
Carvalho Calero estaría moi contento e para que coñezades máis cousiñas sobre este autor tedes actividades na parte de Animación á Lectura na aula virtual de Educación Infantil e tamén na biblioteca virtual. Sería marabilloso que botedes un vistazo.
Déixovos o enlace da páxina para que podades ir dende aquí. Na parte central tedes sempre un saúdo para todas as familias e á marxe dereita tedes a entrada para ver as actividades de todos os niveis. Nós temos que entrar en Educación Infantil e xa vedes que as actividades están por días e dentro do día, divididas por niveis.
Na parte da esquerda tedes os blogues do colexio entre os que está o noso, biblioteca...
VIVA A MAXIA DAS LETRAS GALEGAS
No hay comentarios:
Publicar un comentario