Moi boas a todas e todos!
Pouco a pouco irémonos poñéndonos ao día do noso debagar na escola. Perdoade todo este tempo de ausencia.
Con todo, xa vos imaxinades que, aínda que non tivechedes novas das nosas andainas (por este medio), estas non pararon e son moitas as actividades que queremos compartir con vos.
Estes días, sen ir mais lonxe, seguimos con actividades xurdidas a raíz do DÍA DO LIBRO.
O OBXECTIVO principal de todo elo é achegarnos á lectura e a escritura dun xeito intuitivo, creativo e que responda aos nosos intereses.
Estas son algunhas das actividades que fixemos ou aínda estamos a facer:
- Lemos o noso conto preferido aos demais.
- Realizamos un marcapáxinas
- Inventamos un conto entre todos para, logo, ilustralo.
- Facemos a lista dos contos favoritos para compartir co resto do colexio.
